今日敬拜主完畢之後，唔知點解錄影o既敬拜部份居然只得音樂聲，但係無o左人聲，好似唱卡拉OK咁，到依家我都諗唔明點解

聽日返到去第一時間攪掂佢先，如果唔係就真係大～鑊～

方言禱告先…

撒但召開全球惡魔特會
開場白 撒但說：
我們無法使基督徒不去教會。
我們也沒辦法讓他們不讀經、不明白真理。
我們甚至不能讓他們遠離他們的救主。
若是他們與基督耶穌產生緊密聯結
我們的權勢就敗落了！
所以讓他們去教會！ 讓他們去吧！

其實係因為當收到任何信、訊息o既時候，通常最前線o既工作人員需要經過多番查考，再由部門上司審批，之後再經部門經理查閱，再send上去Director審核，之後再調轉運行……最後先至返到前線人員。響呢段期間，大大話話都用o左成個星期時間，好彩o既話就一個星期後回覆，唔好彩o既……

所以，請體諒前線工作人員，有好多時佢地都唔想，但係那些資料已經不在他手、又或者佢唔可以未得佢上司同意而擅自回覆客戶，你逼佢都無濟於事

今日又多兩個人信主，一個係我 Buddy - Carrie o既老公 - Frankie，另一個係 Winnie o既朋友 - 亞偉。

感謝主的帶領，又拯救多兩個新生命，求主為他們開路，保守他們免受惡魔纏繞，及在主內健康成長。Amen

今晚同老婆行完街之後，諗住返到屋「玩o下、透o下、輕鬆o下」啦！……咁玩乜好呢

唔諗o左一陣，不如打機啦！橫掂好耐都無打過機

於是，我就開o左過好舊o既Game…「王國的興起 - Rise of Nations」，不過咁…我今次唔係想講呢隻Game有幾過癮，又或者點樣打爆機，而係話…打完兩個鐘頭，我發現打機係一個逃避o既方法，事關…打完之後，我成個人都瘟瘟漚漚(音:ngau3 詳情可進入『粵語審音配詞字庫』)成個腦實晒，諗唔倒野

好彩聖靈提醒我「夠～喇～！」

咁樣先至有呢篇分享！如果唔係？哈～哈～都唔知點算？

如果有人問我：「咁你以後仲打唔打機呀？」

我諗我會咁回應：「睇情況啦！如果想逃避o既話咪打o羅！不過…可免則免喇，有『天父幫手，生活無憂』Yo......駛乜逃避呀！」